Girmek
Ozal habar berşimiz ýaly, şu gün Türkmenistanyň Prezidenti Serdar Berdimuhamedow Täjigistan Respublikasyna iki günlük döwlet sapary bilen bardy.
«Asiaplus» habarlar gullugynyň habar berşi ýaly, saparyň birinji gününiň maksatnamasyna laýyklykda, Türkmenistanyň we Täjigistanyň döwlet Baştutanlarynyň gatnaşmagynda ikiçäk hem-de giňeldilen düzümde türkmen-täjik gepleşikleriniň geçirilmegine garaşylýar. Gepleşikleriň jemleri boýunça ikitaraplaýyn resminamalar toplumyna gol çekiler.
Mundan ozal, 8-nji maýda Duşenbe şäherinde Türkmen-täjik işewürler geňeşiniň birinji mejlisiniň hem-de «Täjigistan Respublikasynyň we Türkmenistanyň ylmy edaralarynyň arasyndaky ylmy-tehniki hyzmatdaşlygyň ösüşi» atly «tegelek stoluň» başyndaky halkara maslahatyň geçirilendigini habar beripdik.