Ýaponiýanyň «Urawa Red Daýmonds» kluby Aziýanyň çempionlar ligasynyň ýeňijisi boldy.

Ýapon kluby ýaryşyň ýarym final tapgyrynyň jogap oýnunda öz öýünde Saud Arabystanynyň «Al-Hilalyndan» minimal hasapda üstün çykdy. Has takygy, oýnuň 49-njy minutynda «Al-Hilalyň» oýunçysy Andre Karrilýonyň öz derwezesine geçiren goly «Urawa Red Daýmondsa» 1:0 hasabyndaky ýeňşi sowgat etdi. Toparlar Saud Arabystanynda geçirilen ýarym final tapgyrynyň deslapky oýnunda 1:1 hasabynda deň oýnapdylar. Şeýlelikde, «Urawa Red Daýmonds» Aziýanyň çempionlar ligasynyň şu möwsümdäki çempiony boldy.

Ýeri gelende bellesek, bu ýeňiş arkaly «Urawa Red Daýmondsyň» Aziýanyň çempionlar ligasyndaky çempionlyk titullary üçe ýetdi.