Girmek
Türkmenistanyň futbol boýunça milli çempionatynda 2-nji tapgyrynyň duşuşyklary tamamlandy. Bu barada TFF-niň resmi saýty habar berýär.
2-nji tapgyrda «Energetigi» 2:0 hasabynda ýeňen «Köpetdag» utugyny 6-a çykaryp, ýaryş tertibiniň başyny çekýär.
Ikinji orunda 4 utukly «Altyn asyr» bar, topar şu tapgyrda täze möwsümdäki ilkinji ýeňşini gazandy. Ýazguly Hojageldiýewiň şägirtleri Türkmenistan derbisinde «Ahaldan» 2:0 hasabynda üstün çykdylar.
4 utukly toparlaryň ýene biri ― Balkanabadyň «Nebitçisi» «Şagadamy» 2:1 hasabynda ýeňip, üçünji orna göterildi.
«Arkadag» futbol topary ilkinji resmi duşuşygynda Mary şäheriniň «Merwini» ýeňip, bada-bat ýaryş tertibiniň dördünji basgançagynda ýerleşdi. «Arkadag» toparyndan başga-da, «Aşgabat» bilen «Ahalda» hem 3 utuk bar.
Ilkinji iki tapgyrdan soň «Şagadamda», «Merwde» we «Energetikde» heniz utuk ýok.
Milli çempionatda 3-nji tapgyryň duşuşyklary 25-nji aprelde geçiriler. Tapgyrda «Merw» «Ahaly», «Köpetdag» «Arkadag» toparyny, «Şagadam» «Energetigi», «Aşgabat» bolsa «Nebitçini» kabul eder.
Ýaryş tertibi
| № | Toparlar | O | Ý | D | U | P | Utuk |
| 1. | «Köpetdag» | 2 | 2 | 0 | 0 | 4-1 | 6 |
| 2. | «Altyn asyr» | 2 | 1 | 1 | 0 | 2-0 | 4 |
| 3. | «Nebitçi» | 2 | 1 | 1 | 0 | 2-1 | 4 |
| 4. | «Arkadag» | 1 | 1 | 0 | 0 | 2-1 | 3 |
| 5. | «Aşgabat» | 1 | 1 | 0 | 0 | 1-0 | 3 |
| 6. | «Ahal» | 2 | 1 | 0 | 1 | 1-2 | 3 |
| 7. | «Şagadam» | 2 | 0 | 0 | 2 | 2-4 | 0 |
| 8. | «Merw» | 2 | 0 | 0 | 2 | 1-3 | 0 |
| 9. | «Energetik» | 2 | 0 | 0 | 2 | 0-3 | 0 |