Balkanabadyň «Nebitçi» futbol topary Türkmenistanyň çempionatynyň 2-nji tapgyrynyň çäginde öz meýdanynda geçiren duşuşygynda Türkmenbaşy şäheriniň «Şagadamyny» 2:1 hasabynda ýeňdi.

Duşuşykda «Nebitçiniň» gollaryny 38-nji minutda Daýanç Orazgulyýew, 58-nji minutda bolsa Döwran Berdiýew geçirdi. Myhmanlaryň ýeke-täk goluny 69-njy minutda Salim Umarow öz adyna ýazdyrdy.

Şeýlelikde, utugyny 4-e çykaran «Nebitçi» bu üstünlik bilen ýaryş tertibiniň ikinji basgançagyna çenli göterildi. «Şagadam» bolsa bu tapgyrda-da utuk gazanyp bilmedi.