Girmek
Madridiň «Real» kluby Ýewropa çempionlar ligasynyň çärýek finalynyň jogap oýnunda «Çelsini» ýeňlişe sezewar etdi. «Stemford Brij» stadionynda geçirilen oýun 2:0 hasabynda Karlo Ançelottiniň şägirtleriniň peýdasyna tamamlandy.
«Reala» ýeňiş getiren gollaryň ikisini hem oýnuň ikinji ýarymynda Rodrigo derwezä gönükdirdi. «Santýago Bernabeuda» geçirilen deslapky duşuşyk hem 2:0 hasabynda «Realyň» peýdasyna tamamlanypdy. Şeýlelikde, «Real» iki oýnuň netijesine görä, 4:0 hasabynda garşydaşyndan üstün çykyp, ýarym finala ýollanma aldy.
«Realyň» ýarym finaldaky garşydaşy «Mançester Siti» — «Bawariýa» jübütiniň ýeňijisi bolar.
ÝÇL-iň şu möwsümdäki finaly 10-njy iýunda Stambul şäherindäki Olimpiýa stadionynda oýnalar. Ýaryşyň häzirki çempiony Madridiň «Real» toparydyr.