Girmek
Türkmenistanyň futbol boýunça 20 ýaşa çenli gyzlar ýygyndysy 8 ― 12-nji mart aralygynda Bangladeşiň Dakka şäherinde geçiriljek duşuşyklara gatnaşmaga gitdi. Bu ýerde Aziýanyň kubogy ― 2024-iň saýlama duşuşyklary geçiriler.
Şu gün Türkmenistanyň ýygyndysy tälimçi Kamil Mingazowyň ýolbaşçylygynda ýolbaşçylygynda Aşgabadyň Halkara howa menzilinden Dakka şäherine sary ýola düşdi.
Ýeri gelende aýtsak, saýlama duşuşyklara 31 ýygyndy gatnaşýar. Olar 8 toparçada ýaryşar.
Türkmenistanyň ýygyndysy saýlama duşuşyklary Eýranyň we Bangladeşiň ýygyndylary bilen geçirer. «H» toparçanyň çägindäki duşuşyklar bir aýlawdan ybarat bolar. Duşuşyklaryň ählisi şäherdäki «Bir Şeresta Şahid Şipahi Stadion Mostafa Kamal» stadionynda geçiriler.
Türkmen futbolçylary 8-nji martda Eýranyň, 10-njy martda Bangladeşiň ýygyndylary bilen duşuşar.