«Türkmenaragatnaşyk» agentliginiň Politehniki orta hünär okuw mekdebinde agentligiň garamagyndaky edara-kärhanalarynda we paýly gatnaşygyndaky paýdarlar jemgyýetlerinde zähmet çekýän gelin-gyzlaryň arasynda «Hünärim bar – hormatym bar» atly bäsleşik geçirildi.

Bäsleşik bäş şert boýunça geçirildi:

Tanyşlyk;

Gadymdan gelýän el işleriniň görnüşlerini ýerine ýetirmek;

Hünär aýratynlygynda ýerine ýetirýän wezipesini mahabatlandyryp, iş pursatlaryndan sahna goýmak;
Milli tagamlaryň biri bolan unaşyň saglyga peýdasy, taýýarlanyş aýratynlyklary barada gürrüň bermek we unaş kesmek;

Türkmen halkynyň Milli Lideri, Gurbanguly Berdimuhamedowyň «Çaý melhem hem ylham» we «Türkmenistanyň dermanlyk ösümlikleri» atly kitaplaryndan çaýlary taýýarlamak.

Türkmenistanyň Kärdeşler Arkalaşyklarynyň, Ylymlar akademiýasynyň, «Türkmenaragatnaşyk» agentliginiň, «Türkmentehnogurluşyk» ÝGPJ-niň, «Türkmen hemrasy» ÝGPJ-niň emin agzalar topary ýerine ýetirlen çykyşlara baha berdiler we ýeňijileri yglan etdiler.

Bäsleşikde ýeňiji bolan gelin-gyzlara gymmat bahaly sowgatlar we Hormat hatlary gowşuryldy.

Ýakyn günlerde bäsleşikde ýeňiji bolan gelin-gyzlar Türkmenistanyň Ministrler Kabinetiniň ýanyndaky Ulag we Kommunukasiýalar agentliginiň «Türkmenhowaýollary», «Türkmenawtoulaglary», «Türkmendeňizderýaýollary» we «Türkmendemirýollary» agentlikleri tarapyndan geçiriljek bäsleşikleriň ýeňijileri bilen jemleýji tapgyrda çykyş ederler.