Aşgabatda ýerleşýän «KIBERone» çagalar üçin ilkinji halkara programmirleme mekdebi 6 — 16 ýaş aralygyndaky çagalary we ýetginjekleri programmirlemegiň esaslaryny öwrenmek boýunça okuw sapaklaryna çagyrýar.

Sapaklar 10 adamdan ybarat toparlarda geçirilýär. Bir sapagyň dowamlylygy 120 minutdyr (2 sagat). Okuw sapaklarynda çagalara programmirleme öwredilende her bir okuwça aýratyn çemeleşmegiň usulyýetinden peýdalanylýar.

«KIBERone» merkezinde sapaklary IT hünäri bilen amaly taýdan işjeň meşgullanýan tejribeli mugallymlar geçýärler. Okuw merkezinde sapaklaryň umumy modullary (tapgyrlary) yzygiderlilikde gurulýar, şonuň üçin aýratyn moduly saýlap alyp bolmaýar. Modullaryň mazmuny her alty aýdan IT bilim pudagyndaky özgerýän tendensiýalara laýyklykda täzelenýär.

«KIBERone» mekdebinde okuwçylar şu hili başarnyklary özleşdirip bilýärler:

• programmirlemek;
• web saýtlary we amaly programmalary döretmek;
• 3D modellemek we oýun oýnamak;
• grafiki redaktorlar bilen işlemek;
• wideo we animasiýa döretmek, olary redaktirlemek;
• emeli intellekt we wirtual hakykat bilen işlemek;
• maglumatlary derňemegiň esaslary.

Bu ýerde wagtyň 80% -inden gowragy amaly taýýarlyklara we wagtyň diňe 20% -i oýun görnüşinde geçilýän nazary bilimlere bagyşlanýar.

«KIBERone» mekdebi BMG hem-de ÝUNESKO tarapyndan çagalar üçin sanly tehnologiýalar esasynda dünýäde iň gowy taslama hökmünde ykrar edildi, şeýle hem «Microsoft» korporasiýasynyň kwalifikasiýasyny aldy. Programmirleme sapaklary çaga öz mümkinçiliklerini açmaga we bu ugurda zehinini ösdürmäge ýardam eder. Sanly tehnologiýalar boýunça bilimler we başarnyklar häzirki döwürde iň uly zerurlyklaryň biridir we ol geljekde giňden isleg bildirilýän hem-de uly zähmet hakly hünäre eýe bolmaga mümkinçilik berer.

Okuwlaryň tölegi tölenende dürli görnüşli arzanladyşlaryň maýyşgak ulgamy hereket edýär.

Çagaňyzy «KIBERone» okuwlaryna ýazmak üçin şu telefon belgileri arkaly habarlaşyp bilersiňiz: (+993 63) 63 91 92.