Angliýanyň premýer-ligasynda 17-nji tapgyrdan orun alan 7 duşuşyk geçirildi. Myhmansöýerlige öwrülen tapgyrda 5 oýun myhmanlaryň, 1 oýun ýer eýeleriniň peýdasyna tamamlandy. Ýene 1 oýunda ýeňiji kesgitlenilmedi. Tapgyryň garaşylmadyk netijesi hökmünde «Tottenhemiň» myhmançylykda «Brentford» bilen deň oýnamagyny, «Lesteriň» öz öýünde «Nýukasldan» uly hasapda ýeňilmegini görkezmek bolar. Şeýlelikde, «Nýukasl» utuklarynyň sanyny 33-e ýetirip, turnir tablisasynda ikinji orna geçdi.

Tapgyrda öz öýünde «West Hemi» 3:1 hasabynda ýeňlişe sezewar eden, «Arsenal» bolsa «Mançester Siti» bilen utuk aratapawudy 7-ä çykardy. Mundan başga-da, 17-nji tapgyrda «Liwerpul» myhmançylykda «Aston Willany» 1:3 hasabynda utmagy başardy.

17-nji tapgyryň netijeleri:

26-njy dekabr:

• «Brentford» — «Tottenhem» 2:2 (Gollar: Ýanelt 15, Touni 54 — Keýn 65, Hoýbýerg 71);
• «Krystal Pelas» — «Fulhem» 0:3 (Gollar: Rid 31, Rim 71, Mitrowiç 80);
• «Ewerton» — «Wulwerhempton» 1:2 (Gollar: Mina 7 — Podense 22, Ait-Nuri 95);
• «Lester» — «Nýukasl» 0:3 (Gollar: Wud 3, penalti, Almiron 7, Wellington 32);
• «Sauntgempton» — «Braýton» 1:3 (Gollar: Uord-Prouz 73 — Lallana 14, Perro 35, awtogol, Març 56);
• «Aston Willa» — «Liwerpul» 1:3 (Gollar: Uotkins 59 — Saloh 5, Wirjil wan Deýk (37), Baýçetiç (81);
• «Arsenal» — «West Hem» 3:1 (Gollar: Saka 53, Martinelli 58, Nketia 69 — Benrahma 27, penalti).

Tapgyryň indi geçiriljek oýunlary

27-nji dekabr:

• 22:30. «Çelsi» — «Bornmut».

28-nji dekabr:

• 01:00. «Mançester Ýunaýted» — «Nottingem Forest».

29-njy dekabr:

• 01:00. «Lids» — «Mançester Siti».