Girmek
Halkara futbol federasiýasy (FIFA) Dünýä çempionaty ― 2022-ä gatnaşan milli ýygyndylara jemi 440 million dollar möçberinde pul bölüp berdi.
NBC Sports neşiriniň ýazmagyna görä, dünýäniň täze çempiony ― Argentinanyň ýygyndysy guramaçydan 42 million dollar möçberinde pul gazandy. Ýaryşyň finalçysyna ― Fransiýanyň ýygyndysyna 30 million, Horwatiýa 27 million, Marokka bolsa 25 million dollar pul berildi.
Ýaryşy çärýek finalda terk etmeli bolan dört ýygyndynyň ― Angliýanyň, Braziliýanyň, Portugaliýanyň we Niderlandlaryň her haýsysy FIFA-dan 17 million dollardan gazandylar.
Ýaryşyň 1/8 finalyna çenli baryp ýeten Senegala, ABŞ-a, Polşa, Awstraliýa, Ýaponiýa, Şweýsariýa we Koreýa Respublikasyna 13 million dollardan paýlanyp berildi.
Toparçadan çykyp bilmedik ýygyndylar bolsa 9 million dollardan aldylar.