Girmek
«Aşgabat» futbol topary Türkmenistanyň çempionatynyň 25-nji tapgyrynda «Energetigi» utdy.
Paýtagtdaky «Nusaý» stadionynda geçirilen duşuşyk «Aşgabadyň» haýryna 2:1 hasabynda tamamlandy. Ýer eýeleriniň gollaryny 74-nji minutda 11 metrlik jerime urgusyndan Agajan Altyýew, 88-nji minutda bolsa Toýmämmet Sähetmämmedow geçirdi. Myhmanlaryň ýeke-täk goluny Musa Nurnazarow öz adyna ýazdyrdy.
Ýaryşda altynjy orny eýeleýän «Aşgabat» utugyny 30-a tegeledi. Ol indi ýaryşdaky goňşusy ― ýedinji orundaky «Energetikden» 15 utuk öňde. Bu bolsa geljek üç tapgyrda «Energetigiň» özünden ýokardaky orunlaryň islendik birine synanyşmak mümkinçiligini ýitirendigini görkezýär.
Türkmenistanyň futbol çempionaty ― 2022-niň häzirki möwsümi ýene-de üç tapgyrdan tamamlanar.