Germaniýanyň kansleri Olaf Şols özüniň öňki kansler Angela Merkele dürli partiýalaryň agzalarydygyna garamazdan, häli-şindi maslahat sorap ýüz tutýandygyny gürrüň berdi, bu barada «Trend» ýurduň «Die Welt» neşirine salgylanyp habar berdi.

Neşir Şolsuň Sosial-demokratik, Merkeliň Hristian-demokratik partiýanyň agzasydygyny ýatladýar.

«Biz birek-biregi öňden bäri tanaýarys hem-de dürli partiýadandygymyza seretmezden, elmydama hyzmatdaşlyk edýärdik» diýip, Şols nygtady.

Kansler şeýle-de diňe Merkel däl, eýsem, hökümet partiýalaryndan bolmadyk adamlaryň başga-da köpüsi bilen geňeşýändigini sözüniň üstüne goşdy hem-de «Şonuň üçin men özümi ýeke duýmaýaryn» diýdi.