Girmek
«Türkmenistanyň nebiti we gazy — 2022» halkara maslahatynyň ikinji gününiň üç mejlisi wodorod energiýasyna, gaz we nebithimiýa senagatyna, halkara maliýe guramalarynyň arassa energiýany ösdürmekde tutýan ornuna, taslama ätiýaçlandyryşyna, Türkmenistanda gaýtadan dikeldilýän energiýanyň geljegine, arassa nola we monetizasiýa, gaz ýakylmagyny azaltmak tehnologiýalaryna ýetmek üçin metanyň we CO2 zyňyndylarynyň azalmagyna bagyşlandy.
Çykyş edenleriň arasynda Türkmenistanyň Maliýe we Ykdysadyýet ministri Muhammetgeldi Serdarow, «Tapi Pipeline Company Limited» kompaniýasynyň başlygy Muhammetmyrat Amanow, Türkmenistanyň Döwlet daşary ykdysady iş bankynyň müdiriýetiniň başlygy Rahymberdi Jepbarow, BMG-niň Türkmenistandaky hemişelik utgaşdyryjysy Dmitriý Şlapaçenko, Aziýanyň Ösüş bankynyň Türkmenistandaky hemişelik wekilhanasynyň direktory Artur Andrisiak, Beýik Britaniýanyň Türkmenistandaky ilçisi Lýusiýa Uaýld, ÝHHG-niň ilçisi Jon MakGregor çykyş etdi.
Nebitgaz pudagynda tejribe alyşmak üçin özboluşly meýdança öwrülen maslahatyň dowamynda gaz himiýasy, wodorod ýangyjy we arassa energiýa boýunça, mundan başga-da, metanyň we CO2 zyňyndylarynyň azaldylmagy dogrusynda pikir alşyldy.
Şeýle hem çäräniň dowamynda «Türkmennebit» hem-de «Türkmengaz» konsernleri daşary ýurtly hyzmatdaşlar bilen birnäçe şertnama baglaşdylar.