Girmek
Türkmenistanly eminler topary Aziýa Kubogy-2023-iň (U20) saýlama tapgyrynyň çäginde Nepalyň hem-de Kataryň ýaşlar ýygyndylarynyň arasynda geçirilen duşuşykda eminlik etdiler. Bu barada TFF-niň resmi saýty habar berdi.
Bu duşuşykda türkmenistanly FIFA-nyň emini Çarymyrat Gurbanow baş eminiň wezipesini ýerine ýetirdi. Ildeşlerimiz FIFA-nyň kömekçi eminleri Ahmet Begnazarow bilen Pälwan Pälwanow bolsa gapdal emin hökmünde duşuşyga gatnaşdylar. Duşuşygyň ätiýaçdaky eminiň wezipesini iordaniýaly Mohammad Arafah ýerine ýetirdi.
13-nji sentýabrda Bahreýniň Arad şäherinde geçirilen duşuşykda Kataryň ýygyndy toparynyň garşydaşyndan 3:1 hasabynda üstün çykandygyny bellemek gerek.