Türkmenistanyň Prezidenti Serdar Berdimuhamedow Koreýa Halk Demokratik Respublikasynyň döwlet işleri boýunça Başlygy Kim Çen Yna ýurduň milli baýramy – Koreýa Halk Demokratik Respublikasynyň döredilen güni mynasybetli ýürekden gutlaglaryny we iň gowy arzuwlaryny iberdi diýip, şu günki «Türkmenistan» gazetinde habar berilýär.

Prezident Serdar Berdimuhamedow ýakymly mümkinçilikden peýdalanyp, KHDR-iň döwlet işleri boýunça Başlygy Kim Çen Yna tüýs ýürekden berk jan saglyk we bagtyýarlyk, bu ýurduň halkyna bolsa parahatçylyk, abadançylyk hem-de gülläp ösüş arzuw etdi.