Özbegistanyň «Sogdiana» futbol topary taryhynda ilkinji gezek AFK-nyň kubogynyň sebitara finalyna çykdy. Topar ýarym finalda Gonkongyň «Istern» toparyny ýeňdi.

Sişenbe güni Jizzah şäherinde geçirilen duşuşyk özbek toparynyň 1:0 hasabyndaky ýeňşi bilen tamamlandy. Duşuşykdaky ýeke-täk pökgini 85-nji minutda Şohruz Norhanow geçirdi.

7-nji sentýabrda Kalkutta şäherinde geçiriljek «Mohun Bagan» (Hindistan) ― «Kuala-Lumpur Siti» duşuşygynyň ýeňijisi «Sogdiananyň» sebitara finaldaky garşydaşy bolar.

Özbek topary yklym ýaryşynda indiki duşuşygyny 5-nji oktýabrda geçirer.