Şu gün Türkmenistanyň wekiliýeti Russiýanyň Wladiwostok şäherinde geçirilýän «Aziýanyň çagalary» atly VII halkara sport oýunlarynyň açylyş dabarasyna gatnaşdy. Dabara şäherdäki «Fetisow Arena» medeni-sport toplumynda boldy.

Dabara ähli wekiliýetleriň türgenleri, tälimçileri, meýletinçileri we sport wekilleri gatnaşdy. Ýaryşa gatnaşmak üçin Russiýa 12 döwletden 1300-den gowrak türgen ýygnandy.

Türkmen toparynyň baýdagyny stoluň üstünde oýnalýan tennis boýunça türgen Ylýas Allanazarow göterdi. Dabarada gatnaşýan çagalardyr ýetginjekler üçin konsert boldy, soňra feýerwerkler atyldy.

Oýunlar 8-nji awgusta çenli dowam eder. Türkmen türgenleri olara sportuň 9 görnüşi boýunça gatnaşýar.