Aziýanyň kubogy ― 2022-niň çärýek finalyndaky Awstraliýa ― Türkmenistan duşuşygynda katarly eminler işlär.

AFK-nyň ştab-kwartirasyndan habar berlişi ýaly, duşuşygyň baş emini FIFA derejeli Salman Ahmad Falahi bolar. Oňa meýdanyň iki gyrasynda watandaşlary Ýusuf Al-Şamari bilen Zaha Snaid Alşammari ýardam berer. Duşuşygyň ätiýaçdaky emini Mohanad Kasym Isi Sarreý (Yrak), inpektory Wladislaw Seýtlin (Özbegistan) we komissary Ali Homud Al-Naimi (Katar) bolar.