Girmek
Türkmenistanly žurnalistrler «MediaCAMP Award 2022» sebitleýin bäsleşigine gatnaşmaga çagyrylýar. Oňa döwlet we döwlete degişli däl habar beriş serişdeleriniň žurnalistleri, möhüm kontentleriň awtor-esaslandyryjylary, foto we wideožurnalistler gatnaşyp biler.
Bäsleşige 2021-nji ýylyň 1-nji iýunyndan 2022-nji ýylyň 31-nji maýyna çenli aralykda islendik görnüşde rus ýa-da milli dilleriň birinde (gazak, gyrgyz, täjik, türkmen, özbek...) ýerli garaşsyz ýa-da döwlet metbugatynda çap edilen iş bilen gatnaşyp bolýar.
Ýüztutmalar şu ýylyň 5-nji iýunyna çenli kabul ediler.
Degişli anketany doldurmagyň we eserlere baha bermegiň şertleri internews.kz web saýtynda düşündirilýär.
Bäsleşigiň netijeleri şu ýylyň sentýabr aýynda «MediaCAMP Fest»-iň çäginde yglan ediler.