«Türkmenawtoulaglary» agentligi logistika boýunça, şeýle-de maglumat tehnologiýalary boýunça hünärmenleri işe çagyrýar. Bu barada agentligiň resmi web-saýtynda habar berilýär.

Boş iş orunlaryna dalaşgärler degişli ugurlardan ýokary bilimi bolan raýatlaryň arasyndan saýlanar. Mundan başga-da, işe kabul ediljek dalaşgäriň iki ýyl iş tejribesiniň bolmagy hem zerurdyr.

Habarda bellenilişi ýaly, dalaşgärler söhbetdeşlikleriň netijesinde saýlanyp alynjakdyr.

Gyzyklanma bildirýän dalaşgärler özleriniň maglumatlaryny info@awotulag.gov.tm elektron poçtasyna iberip, ýa-da Aşgabat şäheriniň Arçabil şaýolunyň 126-njy jaýynda ýerleşýän «Türkmenawtoulaglary» agentliginiň edarasyna getirip bilerler.

Habarlaşmak üçin telefon belgileri: (+993 12) 39-03-21; +(993 12) 39-03-09.