2022-nji ýylyň 1-nji maýynda Turkish Airlines awiakompaniýasy Türkmenbaşy—Stambul ugry boýunça ýörite uçar gatnawyny amala aşyrmagy meýilleşdirýär. Bu barada atavatan-turkmenistan web saýtynda habar berilýär.

Turkish Airlines awiakompaniýasynyň guramagy meýilleşdirýän ýene bir ýörite uçar gatnawy ertir, 22-nji aprelde Türkmenbaşydan Stambula uçar.

Türkmenistandan Türkiýä guralan soňky ýörite uçar gatnawy 2022-nji ýylyň 8-nji aprelinde ýerine ýetirildi. Bu barada «Turkmenportal» web saýtymyzda habar beripdik.

Bütin dünýäde ýüze çykan pandemiýa sebäpli girizilen çäklendirmeleriň dowamynda Türkmenistan bilen Türkiýäniň arasyndaky yzygiderli howa gatnawlarynyň 2020-nji ýylyň mart aýynda togtadyldygyny bellemek gerek.