Lýuksemburgda hokkeý boýunça dünýä çempionatynyň üçünji dwizionynyň «A» toparçasyndaky duşuşyklar tamamlandy. Ýaryşda Türkmenistanyň hokkeý boýunça milli ýygyndysy bürünç medala mynasyp boldy. Baýram Allaýarowyň şägirtleri dört duşuşykda 4 utuk toplap bildiler.

Taýwan bilen Lýuksemburgyň arasynda geçirilen duşuşykdan soňra Şaýbaly hokkeý boýunça halkara federasiýanyň (IIHF) wise-prezidenti Aýwaz Omorkanow Türkmenistanyň ýygyndysyna bürünç medallary we ýadygärlik nyşany gowşurdy.

Duşuşyklaryň 3 ― 8-nji aprel aralygynda Lýuksemburgyň Kokelşoýer şäherinde geçirilendigini ýatladýarys. Ýaryşda BAE-niň ýygyndysy birinji orny eýeläp, 2023-nji ýylda ikinji dwizionyň «B» toparçasynda ýaryşmaga hukuk gazandy.