Girmek
Dünýäniň ozalky birinji raketkasy, amerikaly tennisçi Serena Uilýams Uimbldon ýaryşynda kortlara dolanmak niýetiniň bardygyny aýtdy.
40 ýaşly tennisçi iň soňky duşuşygyny 2021-nji ýylyň iýun aýynda geçiripdi. Ol Uimbldonyň geçen ýylky ýaryşlarynda belarusly Aleksandra Sasnowiçe garşy korta çyksa-da, duşuşygy doly tamamlap bilmedi.
Serena NFL-iň oýunçysy Aaron Rojers bilen jemgyýetçilik torlarynyň birindäki göni ýaýlym gepleşiginde öz meýilleri barada aýtdy:
«Biz tennise dolanmak barada köp pikir edýäris. «Uimbldona» taýýarlyk görmegimi teklip edýärler. Ýöne men ol ýaryşa garaşamok. «Amerika Açykda» çykyş edip bilerinmi? Ýöne «Uimbldon» ondan ir geçirilýän ahyry! Ilki şol ýerde oýnamak gerek. Özümem tolgunýan, göreris-dä!».
Ozal Serena tälim beren tälimçi Patrik Muratogly häzir rumyniýaly Simona Halep bilen işleşýär.