Girmek
Perunyň futbol boýunça milli ýygyndysy dünýä çempionaynyň KONMEBOL (Günorta Amerika) boýunça saýlama böleginiň jemleýji tapgyrynda Paragwaýy 2:0 hasabynda ýeňdi. Bu duşuşyk Lima şäherindäki Peru milli stadionynda geçirildi.
Şeýlelikde, peruly futbolçylar 24 utuk toplap, toparçada bäşinji orny eýelediler. Bu bolsa olara AFK-nyň wekili bilen saýlama duşuşygyny geçirmäge hukuk berýär. Yklymara saýlama duşuşygy 13-nji ýa 14-nji iýunda Doha şäherinde geçiriler.
Perunyň ýygyndysynyň aziýaly garşydaşy BAE-niň ýa-da Awstraliýanyň ýygyndysy bolar. Öz toparçalarynda üçünji orny eýeläp, Aziýadan bäşinji ýollanma üçin göreşi alyp barmaga hukuk gazanan bu iki ýygyndy 7-nji iýunda duşuşar. Olaryň ýeňijisi bolsa Perunyň garşydaşy bolar. Yklymara duşuşyň ýeňijisine ýa KONMEBOL-dan, ýa-da AFK-dan dünýä çempionatyna wekilçilik etjek bäşinji ýygyndy bolmak bagty garaşýar.