Girmek
Futbol boýunça dünýäniň klublaýyn çempionatynyň birinji tapgyrynda BAE-niň «Al-Jazira» topary Fransuz Polineziýasynyň «Pirae»toparyny 4:1 hasabynda ýeňdi.
Şeýlelikde, BAE-niň çempiony ýaryşyň çärýek finalyna çykmaga hukuk gazandy. Toparyň çärýek finaldaky garşydaşy AFK-nyň Çempionlar ligasynyň ýeňijisi, Saud Arabystanynyň «Al-Hilal» topary bolar.
Duşuşyk 6-njy fewralda Abu-Dabi şäherindäki «Mohamed bin Zaýed» stasionynda oýnalar. Onuň Aşgabat wagty bilen agşam sagat 21:30-da başlanmagyna garaşylýar.
18-nji gezek geçirilýän ýaryş 12-nji fewralda tamamlanar. Oňa «Çelsi», «Palmeýras», «Al-Ahli», «Monterreý» toparlarynyň hem gatnaşýandygyny ýatladýarys.
Dünýäniň klublaýyn çempionatynyň soňky ýeňijisi nemesleriň «Bawariýasydyr».