Futbol boýunça Dünýä çempionatynyň Aziýa yklymy boýunça üçünji saýlama tapgyrynda sekizinji günüň duşuşyklary geçirildi.

Duşuşyklaryň birinde Koreýa Respublikasynyň ýygyndysy Siriýany 2:0 hasabynda ýeňip, Dünýä çempionatyna gatnaşmaga hukuk gazandy.

Mundan öň biziň yklymymyzdan Eýranyň ýygyndysynyň hem Dünýä çempionatyna gatnaşmaga hukuk gazanandygyny ýatladýarys.

Aziýa yklymyndan beýleki ýollanmalar üçin Awstraliýanyň, Ýaponiýanyň, Saud Arabystanynyň we BAE-niň ýygyndylarynyň arasynda güýçli bäsdeşlik dowam edýär.

Saýlama ýaryşlaryň ahyrky tapgyry 29-njy martda geçiriler.

«A» toparça, 8-nji tapgyr:

Liwan ― Yrak ― 1:1
Siriýa ― Koreýa Respublikasy ― 0:2
Eýran ― BAE ― 1:0

«B» toparça, 8-nji tapgyr:

Ýaponiýa ― Saud Arabystany ― 2:0
Wýetnam ― Hytaý ― 3:1
Oman ― Awstraliýa ― 2:2.