Türkmenabadyň S.A.Nyýazow adyndaky himiýa zawodynda geçen ýylda fosforly mineral dökünleriň 270,5 müň tonna golaýy öndürilip, öňki ýyl bilen deňeşdirilende ösüş depgini üpjün edildi.

Bu barada «Türkmen gündogary» gazeti ýazýar.

Şonda öndürilen harytlyk önümler jemi 97,9 million manatlyga golaý boldy.

Oba hojalygy üçin zerur önümleri öndürmek bilen birlikde kärhananyň durkuny täzelemek, täze önümhanalary gurmak bilen baglanyşykly işler hem utgaşykly alnyp barylýar.