Girmek
Ozal hem habar berşimiz ýaly, Türkmenbaşy şäheriniň «Şagadam» futbol topary final duşuşygynda «Ahaly» 1:0 hasabynda ýeňip, Türkmenistanyň kubogyna mynasyp boldy. Ýurduň milli çempionatynyň 2021-nji ýyldaky möwsüminiň ýeňijisi bolsa «Altyn asyr» bolupdy.
Şeýlelikde, geljek ýyl Türkmenistanyň Naýbaşy kubogy üçin «Altyn asyr» bilen «Şagadam» güýç synanyşar. Bu iki topar mundan ozal Naýbaşy kubok duşuşygynda biri-biri bilen 2016-njy ýylda gabat gelipdiler. Şol duşuşyk «Altyn asyryň» 2:1 hasabyndaky ýeňşi bilen tamamlanypdy.
«Aragatnaşykçylar» Türkmenistanyň Naýbaşy kubogynyň häzirki eýesidir. Şu ýyl geçirilen duşuşykda olar «Köpetdagy» 2:1 hasabynda ýeňdiler.
Ýeri gelende aýtsak, Türkmenistanyň Futbol federasiýasy naýbaşy kubok ugrundaky duşuşyklary 2005-nji ýyldan bäri yzygiderli geçirip gelýär. Yzda galan ýyllarda bu Kuboga «Altyn asyr» 7, «Nebitçi» bilen HTTU 3, «Aşgabat», «Merw» we «Ahal» toparlary bir gezek mynasyp boldy.