Türkmenistanyň Prezidentiniň tabşyrygy boýunça daşary işler ministri, wise-premýer Raşid Meredowyň ýolbaşçylygyndaky türkmen wekiliýeti 18-nji dekabrda Hindistan Respublikasynyň paýtagty Nýu-Deli şäherine sapar bilen bardy. Türkmen wekiliýetini Hindistanyň daşary işler ministri S.Jaýşankar garşylady.

Türkmenleriň Daşary işler ministri Raşid Meredow şu gün – 19-njy dekabrda «Merkezi Aziýa — Hindistan» dialogynyň üçünji mejlisine gatnaşýar.

Bu mejlise, şeýle-de Gazagystanyň, Gyrgyzystanyň, Täjigistanyň we Özbegistanyň daşary işler ministrleri gatnaşýarlar.

Daşary işler minstrleri derejesindäki maslahatyň dowamynda Owganystandaky çylşyrymly syýasy meseleler, şeýle hem söwda we sebit boýunça aragatnaşyklara boýunça pikir alşylar.

«Hindistan — Merkezi Aziýa» daşary işler ministrleriniň ikinji dialogy 2020-nji ýylyň oktýabrynda wideomaslahat görnüşinde geçirilipdi.

Şeýle-de okaň!

• Türkmen wekiliýetiniň Pakistana sapary başlandy
• Türkmen wekiliýeti Nýu-Deli hem-de Yslamabat şäherlerinde gulluk iş saparynda bolar