5-nji iýulda toparlaryň sekizisiniň gatnaşmagynda geçiriljek Türkmenistanyň futzal çempionatynyň (Naýbaşy ligasy) nobatdakysyna badalga berler. Bu barada TFF-niň resmi saýty habar berýär.

Paýtagtymyza hem-de Balkan welaýatyna wekilçilik edýän toparlaryň gatnaşmagyndaky futzal çempionaty dört aýlawdan ybarat bolup, jemleýji, 28-nji tapgyrynyň duşuşyklary şu ýylyň 6-njy noýabrynda geçiriler.

Futzal çempionatynyň duşuşyklary Aşgabat, Mary, Türkmenbaşy hem-de Daşoguz şäherlerinde geçiriler.

Ýeri gelende bellesek, geçen ýyl geçirilen ýurdumyzyň futzal çempionaty bassyr ikinji gezek “Köpetdag” toparynyň ýeňşi bilen tamamlanypdy.

Çempionata gatnaşýan toparlar:

“Köpetdag” (Aşgabat ş.)

“Senagatbank” (Aşgabat ş.)

“Deňizçi” (Türkmenbaşy ş., Balkanabat wel.)

“Migrasiýa” (Aşgabat ş.)

“Gümrükçi” (Aşgabat ş.)

“Serhetçi” (Aşgabat ş.)

“Milli goşun” (Aşgabat ş.)

TNGIZT (Aşgabat ş.).