Girmek
Garyşyk söweş sungaty boýunça türkmenistanly pälwan Döwletjan Ýagşymyradow ABŞ-a bardy. Ol türgenleşiklerini «Top Team» sport zalynda dowam etdirer.
ABŞ-nyň «Top Team» akademiýasy Florida ştatynyň Maýami şäherinden 60 kilometr uzaklykdaky Kokos Krikde ýerleşýär. Pälwan bu ýerde düşen suraty sosial tor arkaly paýlaşdy.
Ildeşimiziň 16-njy aprelde Bellator 257-niň çäginde amerikaly Kori Anderson bilen tutluşygynyň bardygyny ýatladýarys. Tutluşyk Konnektikut ştatynyň Ankaswil şäherindäki «Mohegan Sun» arenasynda geçiriler.