«Aýdyň gijeler» kompaniýasy 6-15-nji mart aralygynda 8-nji mart — Halkara zenanlar güni mynasybetli bäsleşigi yglan etdi. Bäsleşigiň ýeňijileri üçin «Aýdyň gijeler» HJ-niň öndürýän iki sany smart full HD android telewizoryny sowgat almak mümkinçiligi bolar! 

Bäsleşigiň şertlerine laýyklykda, «Türkmenportal» web sahypasynda we beýleki sosial ulgamlarynda ýerleşdirilen şu habaryň şeýle-de wideonyň aşagynda «Aýdyň gijeler» kompaniýasy we önümleri barada teswir goýmaly.  

Iň oňat, iň gyzykly we täsirli teswirleriň awtorlary «Aýdyň gijeler» tarapyndan öndürilen telewizoryň eýesi bolarlar. Ýeňijiler kompaniýanyň özi tarapyndan saýlanylar. Şeýle-de bäsleşigiň ýeňijilerine «Aýdyň gijeler» HJ-niň önümçilik ojaklary, telewizorlaryň önümçiligi we ýaňy-ýakynda açylan «Aýdyň gijeler — tehnologiýalar merkezi»  bilen tanyşdyryş  we iki sany ýeňijä «Tolkun» brendli telewizor baýragyny gowşurylyş dabarasy guralar.

2016-njy ýylda Türkmenistanyň Senagat we Gurluşyk önümçilik Ministrligi bilen bilelikdäki «Aýdyň gijeler» hojalyk jemgyýeti döredildi. «Aýdyň gijeler» hojalyk jemgyýeti ýurdumyzda ilkinjileriň biri bolup elektron enjamlarynyň dürli görnüşleriniň önümçiligini ýola goýdy. 

Häzirki döwrüň talaplaryny ussatlyk bilen özleşdirýän hünärmenler döwrebap enjamlara erk edip, 3-den 96-watt çenli ýagtylyk derejesi bolan, degişli talaplara doly laýyk gelýän LED lampalaryň we asylýan LED potolok çyralarynyň, ýokary watly awtomobil ýollaryny aýdyňlatma alýumin prožektorlarynyň her günde müňlerçesini taýýarlaýarlar.

Hormatly Prezidentimiziň hut öziniň goldamagy bilen «Aýdyň gijeler» hojalyk jemgyýeti ýyllyk kuwwatlygy 100 müň sany, dürli ölçegde 32-42-55 «Tolkun» we «Zemin» brendli Smart telewizorlarynyň,  şeýle-de «Älem» brendli 65 dýuýmly 4K telewizoryň  önümçiligini ýola goýdy.  Ýakyn wagtda, «Milli» brendli smartfonlar, «Uçgun» brendli routerler, «Körpe» brendli öýjükli telefon, öý hojalyk enjamlary-suw dispanseri we «Mylaýym» brendli split kondisionerleriniň,  «Şowly» brendli monobloklaryň  önümçilikleri ýola goýulyp, gurluşyk işleri dowam edýär.