Pandemiýa sebäpli arakesmeden soň, Russiýa şu gün Ermenistana we Azerbaýjana howa gatnawlaryny täzeden dikeltdi. 

Howaýollary kompaniýalary hepdede iki gezek Moskwa-Baku aralygynda we hepdede dört gezek Moskwa-Ýerewan aralygynda howa gatnawlaryny gurap bilerler.

Russiýanyň “Aeroflot” awiakompaniýasy şu günden başlap Ýerewan şäherine hepdede dört gezek, 17-nji fewraldan başlap bolsa, Baku şäherine hepdede  iki gezek howa gatnawyny ýola goýmagy  meýilleşdirýändigini mälim etdi.

Russiýa awgust aýyndan bäri koronawirus epidemiýasy sebäpli ýatyrylan howa gatnawlaryny kem-kemden täzeden ýola goýup gelýär.