Mary, Baýramaly we Murgap etraplarynda boş iş orunlaryny hödürlemek çäresi geçiriler diýip, «Maru Şahu-Jahan» gazeti habar berýär.

Mary welaýatynyň ilatyň zähmet we iş üpjünçilgii bölümi kärhanalardan, guramalardan, edaralardan we aýry-aýry telekeçilerden özlerindäki boş iş orunlary bilen bu çärä gatnaşmagy soraýar.

Murgap etrabyndaky çäre 16-njy fewralda sagat 9-dan 12-ä çenli, Murgap şäheriniň Azady köçesiniň 48-nji jaýynda geçiriler. Habarlaşmak üçin: 800565- 4-52-51, 4-51-96.

Baýramaly etrabyndaky çäre bolsa 19-njy fewral güni sagat 10 ― 12 aralygynda Baýramaly şäherindäki Talyplar köçesiniň 3-nji jaýynda geçiriler. Habarlaşmak üçin: 800564-6-26-76.

Mary etrabyndaky çäre 22-nji fewralda sagat 10-dan 12-ä çenli welaýat medeniýet merkeziniň jaýynda geçiriler. Merkez Mary ― Sakarçäge ýolunyň 1-nji kilometrliginde ýerleşýär. Habarlaşmak üçin: 800522- 7-09-95, 7-43-89.

Boş iş orunlaryny hödürlemek çäresine gatnaşjak raýatlardan şahsyýetini tassyklaýan resminama talap ediler.