Girmek
Türkmenbaşy şäheriniň «Şagadam» futbol toparynyň futbolçylaryna we tälimçilerine Türkmenistanyň çempionatynyň tamamlanan möwsüminiň bürünç medallary gowşuryldy.
Gowşurylyş dabarasy Türkmenbaşy şäherinde geçirilen «Şagadam» ― «Energetik» duşuşygyndan soňra boldy. Medallary Balkan welaýatynyň futbol federasiýasynyň wekili Parahat Garaýew bilen duşuşygyň gözegçi emini Geldi Öwezow gowşurdy.
Möwsümdäki 28 duşuşygyň 13-sinde ýeňiş gazanyp bilen «Şagadam» jemi 47 utuk toplady.
Şeýlelikde, kenarýaka şäheriň topary taryhynda bäşinji gezek milli çempionatymyzyň bürünç medalyna mynasyp boldy. Toparyň taryhda diňe bir gezek ― 2002-nji ýylda çempion bolandygyny ýatlatmak isleýäris.