Türkmenistanyň hemişelik Bitaraplygynyň şanly 25 ýyllygynyň bellenilmeginiň çäklerinde “Garaşsyz, Bitarap Türkmenistanyň halkara hyzmatdaşlygy hem-de ylymda we bilimde gazanylan üstünlikler” atly wideokonferensiýa görnüşinde tegelek stol geçirildi.

Çärä S.A.Niýazow adyndaky Türkmen oba hojalyk uniwersitetiniň hem-de P.Wasilenko adyndaky Harkow milli tehniki oba hojalyk uniwersitetiniň ýolbaşçylary hem-de professor-mugallymlary gatnaşdylar.

Tegelek stola gatnaşyjylar oňyn bitaraplyk konsepsiýasynyň ýurtda parahatçylygy we durnuklylygy saklamakda, dostlukly gatnaşyklaryň hem-de halkara hyzmatdaşlygynyň ösdürilmeginde aýratyn ähmiýete eýe bolup durýandygyny bellediler.

"Bitaraplyk ýyllarynda Türkmenistanyň parahatçylyk söýüji daşary syýasaty dünýä jemgyýetçiliginiň diňe milli bähbitlere däl-de, eýsem global derejede durnuklylygyň we howpsuzlygyň üpjün etmegiň uzak möhletleýin maksatlaryna laýyk gelýär" – diýip, çykyş edenler nygtadylar.

Taraplar ylym we bilim ulgamynda birnäçe meseleler boýunça pikir alyşdylar hem-de bu çäräniň bu ýokary okuw mekdepleriniň arasyndaky gatnaşyklaryň ösdürilmegine, şonuň ýaly-da ähli ugurlar babatynda giňeldilmegine itergi berýändigini bellediler.

Çäräniň ahyrynda uniwersitetleriň ýolbaşçylary we mugallymlar düzümi netijeli işler üçin minnetdarlyklaryny beýan etgmek bilen, özarabähbitli hyzmatdaşlygyň dowam edilmegine ynam bildirdiler.