Girmek
UEFA Çempionlar ligasynda ilkinji ýarym finalçy PSŽ topary boldy. Parižliler çärýek finalda “Atalantany” 2-1 hasabynda ýeňlişe sezewar etdiler. 26-njy minmutda Paşaliç bilen öňe saýlanan “Atalanta” bu üstünligini 90-njy minuta çenli saklamagy başardy. Ýöne olara 3 minutlap goranmak welin başartmady. Duşuşygyň 90-njy minutynda jerime meýdançasynyň içinde dörän başagaýlyk dan soň, PSŽ-niň braziliýaly goragçysy Markinios hasaby deňledi. Bu gol bilen ruhlanan parižliler garşydaşlarynyň ruhdan düşmegi bilenem dessine ýene bir gol geçirdi. Neýmaryň pasyny Mbappe oýna soň goşulan Şupo-Motinge berdi (90+3). Kamerunly ýaş hüjümçi-de topary derwezä gönükdirip, PSŽ toparyna ýeňiş getirdi. Duşuşygyň iň ökde oýunçysy diýlip, 2 gola-da uly goşant goşan Neýmar saýlandy. Şeýlelikde, mundan 50 ýyl ozal, 12-nji awgustda esaslandyrylan PSŽ 50 ýyllyk ýubileý gününde ýarym finala çykdy. Olar soňky gezek mundan 25 ýyl öň, ýagny 1994/95 möwsüminde ýarym finala çykan PSŽ, şol ýyl “Milandan” asgyn gelipdi. PSŽ-niň ýarym finaldaky garşydaşy şu günki “Leipsig”–“Atletiko Madrid” duşuşygyndan soň belli bolar.
