Bäş aý çemesi arakesmeden soň Ýewropanyň halkara futbol ýaryşlary şu hepde täzeden başlanar.

5-nji awgustdan başlap, Çempionlar ligasynyň we Ýewropa ligasynyň ähli oýunlary Russiýanyň «Matç» telelýaýlymynda görkeziler. Şeýlelikde, «Türkmentelekomyň» IP TV hyzmatyndan peýdalanýan ildeşlerimize Ýewropanyň gyzykly Matçlarynyň kerweni garaşýar.

UEFA-nyň Çempionlar ligasynda çärýek finalçylaryň dördüsi eýýäm mälim. Olar «RB Leipzig», «Atletiko», «Atalanta» we PSŽ. Beýleki jübütler sekizden bir finalyň jogap Matçlaryny geçirmeli. «Ýuwentus» ― «Lion», «Mançester Siti» ― «Real», «Bawariýa» ― «Çelsi» we «Barselona» ― «Napoli» jübütleri 7 ― 8-nji awgustda atlary birinji görkezilen toparlaryň meýdanynda jogap duşuşygyny geçirerler. 

UEFA-nyň Çempionlar ligasynyň galan pleý-off oýunlary 12 ― 23-nji awgust aralygynda Portugaliýada geçiriler. Has takygy, 12 ― 15-nji awgust aralygynda çärýek final, 18 ― 19-njy awgust aralygynda ýarym final oýunlary oýnalar. Ýaryşyň çärýek finaly we ýarym finaly bir oýundan ybarat bolar.

Çempionlar ligasynyň final duşuşygy 23-nji awgustda Lissabon şäherindäki «Eştadiu da Luş» stadionynda geçiriler.

Ýewropa ýaryşlarynyň görkeziljek wagty (Aşgabat wagty bilen):

5-nji awgust

21:45 «Matç» teleýaýlymy, Ýewropa ligasynyň 1/8 finaly, «Şahtýor» (Ukraina) ― «Wolfsburg» (Germaniýa). 

21:45 «Matç Futbol 2», Ýewropa ligasynyň 1/8 finaly,«Kopengagen» (Daniýa) ― «Stambul Basakşehir» (Türkiýe). 

23:50 «Matç» teleýaýlymy, Ýewropa ligasynyň 1/8 finaly, «Internasional» (Italiýa) ― «Getafe» (Ispaniýa). 

23:50 «Matç Futbol 1», Ýewropa ligasynyň 1/8 finaly, «Mançester Ýunaýted» (Angliýa) ― LASK (Awstriýa). 

6-njy awgust

21:45 «Matç» teleýaýlymy, Ýewropa ligasynyň 1/8 finaly, «Sewilýa» (Ispaniýa) ― «Roma» (Italiýa).

21:45 «Matç Futbol 2», Ýewropa ligasynyň 1/8 finaly, «Baýer 04» (Germaniýa) ― «Reýnjers» (Şotlandiýa). 

23:50 «Matç» teleýaýlymy, Ýewropa ligasynyň 1/8 finaly, «Wolwerhampton» (Angliýa) ― «Olimpiakos» (Gresiýa). 

23:50 «Matç Futbol 2», Ýewropa ligasynyň 1/8 finaly, «Bazel» (Şweýsariýa) ― «Aýntraht» (Germaniýa). 

7-nji awgust

23:45 «Matç Futbol 1», Çempionlar ligasynyň 1/8 finaly, «Ýuwentus» (Italiýa) ― «Lion» (Fransiýa). 

23:50 «Matç» teleýaýlymy, Çempionlar ligasynyň 1/8 finaly, «Mançester Siti» (Angliýa) ― «Real Madrid» (Ispaniýa). 

8-nji awgust

23:45 «Matç Futbol 1», Çempionlar ligasynyň 1/8 finaly, «Bawariýa» (Germaniýa) ― «Çelsi» (Angliýa). 

23:50 «Matç» teleýaýlymy, Çempionlar ligasynyň 1/8 finaly, «Barselona» (Ispaniýa) ― «Napoli» (Italiýa).