Girmek
Türkmenistanyň futbol boýunça milli ýygyndysynyň hüjümçisi Didar Durdyýew Gazagystanyň «Aktobe» toparynyň türgenleşiklerine goşuldy. Mälim bolşy ýaly, «Aktobe» häzirki wagtda Türkiýäniň Kemer şäherinde okuw-türgenleşik ýygnanyşygyny geçirýär.
Egerde, ildeşimiziň oýny «Aktobeniň» tälimçilerine ýarasa, onuň bilen şertnama baglaşylar. Häzir topar täze möwsüm üçin düzümini emele getirýär. 2019-njy ýylyň futbol möwsüminde Gazagystanyň Premýer-ligasyndan ikinji ligasyna düşen «Aktobe» möwsümi üstünlikli geçirip, ýene-de esasy ýaryşa goşulmagy maksat edinýär.
«Aktobe» taryhynda Gazagystanyň bäş gezek çempiony bolan topar. Topara Moskwanyň «Lokomotiwiniň» we Özbegistanyň milli ýygyndysynyň ozalky futbolçysy Wladimir Maminow tälim berýär.