Girmek
Türkmenistanyň milli ýygyndysynyň 28 ýaşly goragçysy Serdar Annaorazow häzirki wagtda Ermenistanyň Premýer-ligasynyň wekili Ýerewanyň “Arsah” toparynda synagdan geçýär.
Goragçymyzyň täze toparyndaky synag duşuşyklaryna Tbiliside okuw-türgenleşik geçýän “Arsahyň” ýoldaşlyk oýunlarynda bolup geçer. “Arsah” okuw-türgenleşiginiň dowamynda Gruziýanyň “Kaheti Telawi”, “Gagra”, Merani” hem-de “WIT Jorjiýa” toparlary bilen ýoldaşlyk duşuşyklaryny geçirer.
Serdar Annaorazow professional karýerasyna paýtagtymyzyň HTTU toparynda başlapdy. 2013-nji ýylda HTTU-nyň düzüminde ýurdumyzyň çempionydyr Naýbaşy kubogyna mynasyp bolan goragçy, 2014-nji ýylda topary bilen AFK-nyň Prezidentiniň kubogyny gazanypdy. 2015-nji ýylda paýtagtymyzyň “Altyn Asyryna” geçip, onuň düzüminde ýurdumyzyň dört gezek çempiony bolmagy başardy.
Serdar Annaorazow Türkmenistanyň milli ýygyndysynyň düzüminde 30-dan gowrak duşuşyk geçirdi.
