ABŞ-da «Powerball» lotereýasynyň 1 milliard dollar möçberdäki utuşy oýnaldy. Utuşly petek Illinoýs ştatynyň Kuinsi şäherinde ýangyç guýulýan beketde satyn alnypdyr diýip, «CBS News» teleýaýlymy habar berdi.

Bu gezekki utuş «Powerball» lotereýasynyň taryhynda sekizinji we amerikan lotereýalarynda 1 milliard dollardan geçýän utuşlaryň taryhynda on bäşinji boldy.

Lotereýa oýunlarynyň düzgünlerine laýyklykda, bir gezeklik tölenýän utuş puly 450,5 mln dollara deň boldy, ýeňiji eger islese, utuşyny 29 ýylyň dowamynda bölekleýin alyp biler.

Soňky gezek 1 milliard dollarlyk utuş geçen ýylyň dekabrynda oýnaldy, şonda petegiň arkanzasly eýesi 1,82 mlrd dollar utdy.