Russiýanyň we Eýranyň futbol boýunça milli ýygyndylarynyň arasyndaky ýoldaşlyk duşuşygy 29-njy sentýabrda Kazan şäherinde geçiriler. Bu barada Russiýanyň futbol birleşiginiň metbugat gullugy habar berdi.

Halkara futbol federasiýasynyň (FIFA) reýtinginde Eýranyň milli ýygyndysy 22-nji, Russiýanyň ýygyndysy bolsa 35-nji orunda ýerleşýär. Eýranly futbolçylar şu ýylyň tomsunda dünýä çempionatyna gatnaşdylar, emma ýaryşyň pleý-off tapgyryna çykyp bilmediler.

Russiýanyň we Eýranyň milli ýygyndylary şu wagta çenli dört gezek duşuşdylar we olaryň ählisi ýoldaşlyk häsiýetinde boldy. Russiýalylar Eýranyň ýygyndysyny diňe bir gezek — 2025-nji ýylyň oktýabrynda Wolgograd şäherinde geçirilen oýunda 2:1 hasabynda ýeňipdiler. Eýranyň milli ýygyndysynyň hasabynda hem bir ýeňiş bar, ýene iki duşuşyk deňme-deň tamamlanypdy.