1998—2003-nji ýyllar aralygynda HHR-iň Döwlet Geňeşiniň öňki Premýeriniň  wezipesini eýelän Çžu Žunszi 2026-njy ýylyň 12-nji awgustynda Pekinde 98 ýaşynda keselden aradan çykdy diýip, ýurduň «Sinhua» agentligi habar berdi. Onuň yzynda aýaly we iki çagasy galdy.

Hytaýyň Kommunistik partiýasynyň resmi gynanç habarynda Çžu Žunsziniň ýurduň maksatnamaly ykdysadyýetden sosialistik bazar ykdysadyýetine geçýän döwrüniň aýgytly tapgyryndaky hyzmatyna ýokary baha berilýär. Onda syýasatçynyň halkyna çuňňur berlendigi nygtalýar.

Öňki Premýer-ministr Hökümet ýolbaşçylarynyň döwlet gullukçylarydygyny nygtaýardy. Olar adamlaryň bähbidine netije gazanmak üçin elde baryny edip işlemelidirler we aýratyn ýeňilliklerden ýüz öwürmelidirler diýýärdi.

Çžu Hytaýyň ykdysady syýasatyna on ýyldan gowrak wagt – 1990-njy ýyllaryň başlarynda Premýeriň orunbasary, soňra 2020-nji ýylda aradan çykan lider Szýan Szeminiň döwründe Premýer-ministr hökmünde ýolbaşçylyk etdi.