Türkmenistanda 11–12-nji synp okuwçylarynyň arasynda «Akhalteke bedewleri — parahatçylygyň ilçileri» atly bäsleşik yglan edildi.

Bäsleşik Türkmenistanyň Bilim ministrligi bilen Aba Annaýew adyndaky Halkara atçylyk akademiýasy tarapyndan ýaşlaryň arasynda akhalteke atçylygyny giňden wagyz etmek, milli buýsanç duýgusyny ösdürmek, şeýle hem iň zehinli we geljegi uly okuwçylary ýüze çykarmak maksady bilen geçirilýär.

Bäsleşik 3 tapgyrdan ybarat bolar. Saýlama tapgyry 22-nji sentýabrda uzak aralykdan geçirilýän sanly test görnüşinde geçiriler. Ikinji we üçünji tapgyrlar oktýabr aýyndan dekabr aýyna çenli Aba Annaýew adyndaky Halkara atçylyk akademiýasynyň binýadynda gönümel gatnaşmak görnüşinde geçiriler.

Bäsleşigiň jemleýji tapgyrynda birinji, ikinji we üçünji baýrakly orunlara mynasyp bolanlar kesgitlener.

Ýeňijilere baş baýrak — ýörite kubok, altyn, kümüş we bürünç medallar, Hormat hatlary, Türkmenistanyň «Türkmen atlary» döwlet birleşiginiň, Türkmenistanyň Bilim ministrliginiň, Magtymguly adyndaky Ýaşlar guramasynyň Merkezi geňeşiniň diplomlary we şahadatnamalary, şeýle hem gymmat bahaly ýadygärlik sowgatlary gowşurylar.

Bäsleşigiň şertleri bilen şu ýerden jikme-jik tanşyp bilersiňiz.