Türkmen okuwçylary 10–19-njy iýul aralygynda Daşkent şäherinde geçirilen 58-nji Halkara himiýa olimpiadasynda 1 kümüş we 3 bürünç medal gazandylar.

Türkmenistanyň Bilim ministrliginiň resmi saýtynda habar berlişine görä, halkara bäsleşigine dünýäniň 92 ýurdundan jemi 363 okuwçy gatnaşdy.

Türkmenistandan bu olimpiada Aşgabat şäheriniň Saparmyrat Türkmenbaşy adyndaky ýöriteleşdirilen umumybilim berýän mekdep-internatynyň okuwçylary gatnaşdylar.

Bäsleşigiň netijeleri boýunça 11-nji synp okuwçysy Pälwan Ilmämmedow kümüş medala mynasyp boldy. 12-nji synp okuwçylary Diýar Döwletow, Aýlar Orunowa we Rustem Jumaýew bolsa bürünç medallary gazandylar.