Angliýanyň futbol boýunça milli ýygyndysy dünýä çempionatynyň çärýek finalyndaky duşuşygyň goşmaça wagtynda Norwegiýanyň ýygyndysyny 2:1 hasabynda ýeňip, ýarym finala çykdy. Duşuşyk Maýami şäherinde geçirildi.

Ýeňijileriň düzüminde Jud Bellingem 45+2-nji we 93-nji minutlarda tapawutlanyp, iki gol geçirdi. Norwegiýanyň ýeke-täk goluny bolsa 36-njy minutda Andreas Şelderup geçirdi. Goşmaça wagtyň birinji böleginden soň, çempionatyň dowamynda ýedi gol geçiren norweg hüjümçisi Erling Holand çalşyldy.

Angliýanyň ýygyndysy dünýä çempionatynyň taryhynda dördünji gezek ýarym finala çykdy. Iňlisler ozal iki gezek (1990 we 2018-nji ýyllarda) ýarym finalda ýaryşy tamamlapdy, 1966-njy ýylda bolsa dünýä çempiony bolupdy. Norwegiýanyň ýygyndysy bolsa dünýä çempionatynyň taryhynda ilkinji çärýek finala çykdy.