12-nji iýunda Baku şäherinden 200 kilometr demirgazyk-günbatardaky Gabaly etrabynda güýji 5,1 bala deň bolan ýer sarsgyny hasaba alyndy. Bu barada Respublikanyň Seýsmologiýa gullugyna salgylanýan «RIA Nowosti» habar berdi.

Habarda ýerasty sarsgynlaryň Agdam, Şemkir, Geýgel we Guba etraplarynda duýulandygy bellenýär. Ýertitremäniň merkezi 42 kilometr çuňlukda ýerleşdi.