Russiýanyň Saglygy goraýyş ministrligi lukmançylyk we derman senagaty ugry boýunça bilim alan işgärler üçin hünärleriň sanawyny täzeledi. Ministrligiň degişli buýrugyna laýyklykda, täzelenen sanaw 2026-njy ýylyň 1-nji sentýabryndan güýje girer.

Täzelenen sanawa 15-den gowrak täze hünär ugurlary girizildi. Olaryň hatarynda seljeriş toksikologiýasy, lukmançylyk biologiýasy, kinezioreabilitasiýa, lukmançylyk zoologiýasy, lukmançylyk owkalamasy, lukmançylyk psihologiýasy, lukmançylyk logopediýasy, lukmançylyk embriologiýasy, lukmançylyk fizikasy, nutritsiologiýa, neýropsihologiýa, kazyýet bilermençiligi, stomatologiýa we ergoreabilitasiýa ýaly ugurlar bar.

Mundan başga-da, 2027-nji ýylyň sentýabr aýyndan başlap sanawa palliatiw lukmançylyk kömegi ugry hem goşular.

Täze düzgünler ýokary bilimli, şeýle hem goşmaça hünär derejeli lukmançylyk ýa-da derman senagaty boýunça bilim alan hünärmenlere degişlidir. Şol bir wagtyň özünde häzirki wagtda hereket edýän bakteriologiýa, wirusologiýa we parazitologiýa ýaly hünärler 2028-nji ýylyň sentýabr aýyna çenli resmi hünärleriň sanawynda saklanyp galar.