Lissabonyň «Benfika» futbol kluby baş tälimçi Žoze Mourinýonyň Madridiň «Real» toparyna geçendigini resmi taýdan tassyklady. Bu barada portugaliýaly klubuň X sosial ulgamyndaky resmi sahypasynda habar berildi.

Habarda: «Real» Žoze Mourinýony 15 million ýewro baş tälimçi wezipesine bellemek baradaky niýetini resmi taýdan resmileşdirdi we ol hem muňa razylyk berdi. Sag bol, Žoze Mourinýo!» —  diýlip bellenilýär.

Ozal köpçülikleýin habar beriş serişdeleri Mourinýonyň «Real» bilen üç ýyllyk şertnama baglaşandygyny we klubdaky prezident saýlawlaryndan soň wezipesine girişmelidigini habar beripdiler. Ýekşenbe güni Florentino Peres Madridiň klubynyň prezidenti wezipesine gaýtadan saýlandy.

Geçen möwsümi «Real» hiç hili baýraksyz tamamlady.

Mourinýo mundan ozal hem 2010–2013-nji ýyllarda «Reala» ýolbaşçylyk edipdi. Onuň tälimçilik etmeginde topar Ispaniýanyň çempionatynda, şeýle hem ýurduň Kubogynda we Superkubogynda ýeňiji bolupdy.