Türkmenistanyň Döwlet medeniýet merkeziniň Döwlet kitaphanasynda Ýagşygeldi Kakaýew adyndaky Halkara nebit we gaz uniwersitetiniň talyplarynyň gatnaşmagynda ýazyjy Nurmyrat Saryhanowyň doglan gününiň 120 ýyllygyna bagyşlanyp «Durmuş ýoly — kitap bilen başlanýar» atly edebiýat agşamy geçirildi. Bu barada Türkmenistanyň Bilim ministrliginiň resmi saýtynda habar berildi.

Edebiýat agşamyna ýazyjy-şahyrlar hem-de Ýagşygeldi Kakaýew adyndaky Halkara nebit we gaz uniwersitetiniň talyp ýaşlary gatnaşdylar. 

Çykyş edenler ýazyjynyň ömri we döredijiligi hakynda giňişleýin gürrüň berdiler. 

Nurmyrat Saryhanow — häzirki zaman türkmen edebiýatynyň düýbüni tutujylaryň biri, eserleri dünýäniň köp dillerine terjime edilen görnükli türkmen ýazyjysydyr. Onuň iň meşhur eseri «Şükür bagşy» powestidir.